TRAD'ESTIU

Trad’Estiu se muda a FOISH (Arièja) los 23, 24 e 25 de julh de 2004, aprèp tres annadas de seguida dins la Barguilhèra.

Amators de danças e musicas tradicionalas, pichons e grands, amorós de la lenga occitana o simple badaire, enveja de passar de bon temps ? Aquel festival es per vosautres !

Trad’Estiu es per totas las generacions, totas las aurelhas perque la musica trad’ se jòga a totas las salsas e per totis los dançaires : los qu’aimarián, mas qu’an pas jamai gausats - « la dança trad, es aisit ! : d’unes passes son a aprene puèi basta de los tornar far » (Sophie) – o los que ne’n conéisson un brave tròç mas qu’an pas encara tot vist : danças tan divèrsas coma las borrèias d’Arièja o danças irlandesas son al program.

Las tres primièras edicions encantèron los nombroses participants e mai los organisators : « Lo festival foguèt una tala capitada que podiám pas nos aturar aquí !».

 Alara ieu, TRAD’ESTIU, m’i ronci ! E vos autres... ?