TRAD'ESTIU

Trad’Estiu se’n torna a Serras d’Arget (Arièja) per la tresena annada de seguida los 4, 5 e 6 de julh 2003.

Amators de danças e musicas tradicionalas, pichons e grands, amorós de la lenga occitana o simple badaire, enveja de passar de bon temps ? Aquel festival es per vosautres !

Trad’Estiu es per totas las generacions, totas las aurelhas perque la musica trad’ se jòga a totas las salsas e per totis los dançaires : los qu’aimarián, mas qu’an pas jamai gausats - « la dança trad, es aisit ! : d’unes passes son a aprene puèi basta de los tornar far » (Sophie) – o los que ne’n conéisson un brave tròç mas qu’an pas encara tot vist : danças tan divèrsas coma las borrèias d’Arièja o las « jotas de Malhòrca » son al program.

Las doas primièras edicions encantèron los nombroses participants e mai los organisators : « Lo festival foguèt una tala capitada que podiám pas nos aturar aquí !» (Anhès, presidenta de Trad’Estiu)

 Alara ieu, TRAD’ESTIU, m’i ronci e vos ?